Илузии

Порака

Тишината се прекина, изгледа дека некој од избраните започнуваше нова илузија. Се обидов да ја изолирам таа фреквенција и да ја исклучам, но сите обиди да ја вратам скапоцената тишината ми беа залудни бидејќи сигналот стануваше премногу силен за да може да го сопрам. Не е можно ваков сигнал да потекнува од нашата енергија бидејќи чувството беше различно и беше пропратено со интензивно вонтелесно доживување.

  • До најмилото и најбитното, започна со трансмисија непознатиот извор.

Тоа беше мојот прв и последен директен контакт со изворната енергијa. Пред да се соочиме со злото кое не чека од другата страна на порталот моравме да го вчитаме изворниот код. Тој беше нашето единствено оружје за борба против распаѓањето на човечкиот вид. Штета што процесот се прекина кога се приближивме на крајот од патот на почетокот. Изворниот код беше наменет за човечкото суштество и потекнуваше од јадрото на ентитетот Земја, нашето био-космичко летало и нашиот телесен дом. Примајќи ја пораката ја чувствуваме нејзината болка и плач. Што направивме? – ми одзвонуваше во умот.

646437fffb90c518a5fa581cd3bc26

  • Свеста нека биде твој водич, а љубовта кон животот на сите живи суштества твој патоказ кон искреното и вистинското постоење
  • Користи ја природата како храна и извор на енергија и одржувај го нејзиниот баланс и врска со неа
  • Сите живи творби се драгоцени, почитувај и сакај ги како што се почитуваш и сакаш самиот себе
  • Води грижа за сопственото телесно возило, слушај ги неговите сигнали и знаци и работи на откривање на сите негови тајни
  • Барај си ја сопствената мисија и одбери си го сопствениот пат без разлика на неговата тежина
  • Создавај и шири позитивна енергија и мисла
  • Не си ги продавај слободата на умот и телото без разлика на се
  • Истражувај, учи секојдневно и пренесувај го знаењето
  • Смиреност, добрина, хуманост, помош, почит, љубов, совесност, разбирање… нека бидат твоите најбитни и најголеми животни дела
  • Биди различен, сакај ги различностите и користи ги за соработка и заеднички развој на целокупниот жив свет
  • Не дозволувај стравот да те покори, знај дека во посед имаш совршена машина спремна за опстојување во минимални услови без никаков проблем
  • Целта на твоето постоење не е само да постоиш
  • Живиот свет не е твоја своина и посед, однесувај се спрема него еднакво, со љубов и почит
  • Најмладите жители се иднината на еволуцијата на човечкиот вид, тие се носители на твојата енергија, воспитувај и учи ги на сите тајни и искуства кои си ги научил и на најдобар можен начин посветувај им внимание и љубов
  • Не барај ништо повеќе од она што ти е доволно и потребно за личен и колективен развиток
  • Што и да правиш не го прави тоа на штета на другите живи битија и запомни, не прави никогаш нешто што не би сакал да ти го прават тебе
  • Верувај во себе и во својата цел, верувај во љубовта кон животот
  • Моќта и влијанието на твојата мисла е огромна, употребувај ја мудро
  • Како супериорно битие, со дадените привилеги доверена ти е и одговорност спрема комплетното животно постоење
  • Длабоко во тебе се всадени тајните на постоењето и нивното откривање ќе се случи во моментот кога…..

Тишината повторно завладеа во сферата. Бев разочаран што врската се прекина кога изворниот код преминуваше во фаза на откривање на есенцијата и клучот од мистеријата на човечкото постоење. Сепак ќе мора да поработиме и до одговорите на тие прашања сами да дојдеме. Клучот е во нас, само треба да го пронајдеме, а до сега, очигледно на погрешни места сме барале.

Labyrinth

Сферата запре, нејзиното енергетско поле го снема. Силно бев повлечен од една од нишките на вортексот. На нашиот пат му дојде крајот.

Порталот не одведе пред еден бесконечен лавиринт во кој што секој тргна по патеката која што сам си ја одбра. Стигнав до точка каде што лавиринтот се делеше на две патеки. Погледнав во делечината со надеж дека ќе ми се прикаже вистинската. Во тој момент ме обзеде чудно чувство дека едната патека сум ја поминал веќе еднаш. Со надеж дека сите ќе го видиме крајот на лавиринтот и ќе се споиме во едно, решив…. oвојпат непознатото е мојот избор и мојот вистински пат. Битката за тронот може да започне!

 

Тишина

Патот низ порталот не беше само пат. Тоа беше заедничко доживување на сите илузии на избраните. Порталот не беше само портал. Тој беше креатор на нашата заедничка повеќе-димензионална свест надвор од нашите физички тела.

steamworkshop_webupload_previewfile_242093102_preview

Не бев спремен за сето ова ново искуство, а ниту пак до овој момент бев свесен за постоењето на овие илузии и злоупотреби на нашето човечко постоење и опстојување. Мојата потрага по искрена и вечна љубов ме доведе до неочекувано животно искуство и на непознат терен. Одсекогаш сум бил сигурен дека постои повисока енергетска поврзаност и космичко постоење надвор од се она што сум го сметал за реалност, меѓутоа ова беше врв на сите искуства.

Илузиите се погласно и погласно ми ги попречуваа сопствените мисли. Од почетокот на патот низ порталот видот ми беше оневозможен. Се обидов да ги искористам инструментите и сетилата коишто ми беа на располагање за да креирам слика на реалноста. Повеќе не бев телесно битие. Се наоѓав во сфера која беше исполнета со нашите вонтелесни манифестации – комплетни енергетски човечки форми составени од различни бои. Не можев да се помрднам, бев нем посматрач. Лебдевме вкочането во сферата пловејќи низ вортех. Фреквенциите ни беа комплетно синхронизирани и изедначени но ние бевме далеку од тоа, немавме никаков ред, бевме конфузни и не се знаеше кој што размислува. Ги исклучив сите рецептори и се фокусирав на внатрешниот мир. Почнав да размислувам за мојата најголема љубов и на нашата прва заедничка ноќ. Вревата запре, боите ги снема, а јас останав сам во својaтa темнина.

Една од способностите и привилегиите на човечкиот ум е со сопствена волја и сила да ги блокира и изолира сите ефекти и стимуланси од околината и да се затвори сам во себе без никакво чувство за присуство на надворешен свет. Таа смиреност ми донесе мир и стабилност и конечно можев да се посветам на сопствените илузии и да уживам во моќта и ексклузивитетот на тишината.

За време на оваа тековна трансформација ми се отворија многу нови полиња од енигмата на постоењето. Мислејќи дека сум ја изгубил еднаш пронајдената љубов, всушност ја пронајдов вистинската смисла на љубовта и нејзината моќ. Тоа беше љубовта спрема постоењето и се што е поврзано со него.

Како да се разбуди заспаната изворна емоција љубов со сите нејзини позитивни ефекти и влијанија врз човековото живеење?

Секако дека патот до неа секој сам треба да го изоди и секако дека е потежок од патот на илузиите. Тој е мачен и е исполнет со многу разочарувања, откажувања и размислувања. Секој треба да си постави сопствена цел и  верба во неа дека е исправна и дека води кон повисок стадиум на развој и просперитет на човечкиот вид. Индивидуалната цел треба да прерасне во колективна, а вербата во неа да ги спои сите наши разлики и од нив, наместо конфликти, да се изроди заедништво и обединување. Моменталната цел која што е поставена во светот е тотално погрешна, деструктивна и сама по себе нема никаква логика и води единствено кон пропаст. Водени од љубовта и со поставување на повисока вистинска цел и вистински вредности лесно ќе биде секој да си изнајде свој начин на спротивставување на овој систем на безнадежност и самоуништување. Формулата за балансот на хармонијата на постоењето сама ќе се прикаже и природно ќе се постави доколку правилно ги насочиме мислите и желбите.

Ја оставив тишината да повладее со моите мисли и да ги проветрее малку. Тотална тишина и мрак на сите надворешни и внатрешни фреквенции.

Љубов

Одбрамбена суб-програма на човечкиот оперативен систем и центар на сите емотивни доживувања и реакции во неговото овоземско физичко постоење. Контролирана од програмот свест таа претставува негов директен линк за контакт и манифестација во материјалниот свет. Предизвикувајќи и стимулирајќи различни телесни реакции и емотивни доживувања, таа влијае врз акциите и реакциите на човечкото тело во неговите животни интеракции и одлуки. Како најмоќно оружје на свеста за борба против корупција на човечкиот оперативен систем, љубовта е единствената надеж за спас на ентитетот Земја и сите нејзини патници.

Преку манипулирање на изворниот код и извртување на реалноста, ефектот од историското контаминирање и искористување на нејзината моќ и јачина е побудување и вродување на лажни и непотребни заштитнички функции и вредности и создавање на систем за нејзино етапно и комплетно ре-програмирање. Ова силно емотивно доживување е искористено за да од него се изродат и вградат во човечкиот оперативен систем сите негативни програмски компоненти како омраза, себичност и алчност, а се со една цел – ропство, владеење и искористување на човечкиот животен потенцијал и енергија на ентитетот Земја за лични цели на вековните владетели и узурпатори на изворниот код и човечкиот вид.

195970-Love-The-Earth

Со константно хранење на човечкиот ум со страв и закани спрема се она со коешто љубовта е силно  поврзана, со користење на разни средства за замаглување на здравото расудување и создавање на поделби на добри и лоши по секој основ, животот е претворен во наметната привидна борба за основна егзистенција, а пренагласената емоција на суб-програмот љубов е трансформирана во заштитничка недоверба спрема се она што ни се презентира и прикажува како опасност по сопствениот живот и животот на најмилите. Резултат од ова прогресивно-агресивно насилство врз човековата свест е комплетно компромитирање на свесниот линк со реалноста и недостаток од чиста и искрена човечка емоција на давање и примање на вистинска љубов. Како замена за оваа емотивна празнина на човечкиот вид му е сервирана материјалната љубов.

Насочувајќи и развивајќи ја прекумерната љубов кон материјалните ствари родени се алчноста, себичноста и љубомората, а создаден е свет на омраза и страв во којшто човечките суштества се смртни непријатели еден на друг, животната средина е контаминирана депонија и поле за нејзино тотално уништување, а послабите живи суштества се играчки и предмети за изживување, експериментирање и задоволување на човечката потреба од доминација и поседување со нивно масовно искористување, злоупотребување и касапење на сите можни начини.

Со практикување на деструктивно-материјалистичка љубов е создадена генерација на човечки суштества за кои природно биолошката љубов и привлечност кон спротивниот пол е пореметена и е сведена на материјален интерес или нездраво задоволство каде повторно преовладуваат разликите и недостасува вистинска и искрена емоција. Наместо љубовна меѓу-природна конекција, човечкиот живот е исполнет со љубов спрема безначајни материјални играчки кои му донесуваат привидна радост и среќа а всушност оставаат огромна емотивна дупка позади себе. Фрустрацијата се зголемува со константното трагање и тежнеење кон таа совршената играчка која ќе ја задоволи потребата од давање и примање љубов, но сепак овие играчки не поседуваат сопствена енергија и неможат да ја возвратат пружената љубов. Oва нехумано и дегенеричко однесување се пренеува и мултиплицира на носителите на следните генерации кои уште од мали нозе се контаминираат со љубов кон материјални ствари и негативни емоции.

Недолжни, носејќи и ширејќи го инфицираниот суб-програм, веќе наречен материјалистичка љубов, тие и понатаму продолжуваат да живеат заробени во наследената мрежа на илузии и да го вртат тркалото на пропаста.

Зарем не е очигледен овој инжинеринг врз свеста и последиците од него? Како љубовта ќе се справи со овој безличен свет испочнет со алчност, агресија, себичност, нехуманост, неприродност и омраза?

За да дојдеме до фазата кога љубовта ќе ја активира вистинската моќ најпрво мора да се соочиме со вистината, да ги признаеме грешките и да ја преземеме одговорноста за тоа што ни се случува. Ова осознавање ќе значи и расчистување на маглата од очите на љубовта и нејзино фокусирање и насочување кон заштита на вистинските нешта во животот и кон вистинскиот развоток на човечкото битие. Овој еволутивен пат ќе ја ослободи љубовта од корупцијата која со векови е всадувана во свеста, а со самото тоа и сите илузии ќе паднат и нивните креатори ќе бидат разобличени. Човечките вредности настанати од љубовта спрема животот ќе донесат нова енергија која ќе го обнови изгубениот линк на човекот со изворната енергија, а најмалите наследници од мали нозе ќе се учат како да го зачуваат тој линк преку предавање на дел од таа позитивна енергија и константно нивно подучување и развивање на меѓучовечката комуникација и природно-биолошките врски и процеси. Материјалните ствари повеќе нема да бидат цел на љубовта туку тие ќе се сведат на едноставни и безначајни средства за учење и зголемување на креативноста, перцепцијата и мислата.

Поголтнувајќи ја горката вистина и оставајќи ја пустелијата и штетата што ја создадовме позади нас, човечкиот вид ќе заплови во нови води на балансирана хармонија на љубов и материјално постоење.

Премин

Трансфер на програмот свест и негово вчитување назад во изворниот систем или во друга оперативна линија. Овој настан се случува кога физичкото тело предвремено ја изгуби својата функционалност или кога истече неговиот рок на траење.

Доколку се прекине животната линија на физичкото тело пред истекување на неговиот рок на траење тогаш изворниот систем автоматски отпочнува нова линија во која не се случува таков прекин. Свеста во оперативниот систем на физичкиот облик во новата линија сe префрла во моментот на прекинување без да го регистрира или забележи дисконтинуитетот. Дисконтиунираната временска линија продолжува во својата димензија без физичкото тело кое предвремено го завршило својот пат.

Доколку нема прекин, тогаш, по истекување на рокот на употреба на физичкото тело, свеста во својата основна форма се враќа во изворната енергија на ентитетот Земја од каде, во зависност од нејзиниот степен на развиеност, го продолжува својот космички пат на друг ентитет во друга понапредна форма или засекогаш останува во матичното енергетско јадро како дел од колективната свест на планетата.

jpedg

Човечкиот земјин живот е една од многуте фази низ кои минува свеста. Овие фази постојат за константна еволуција и надградување на програмот свест се до достигнување на највисокиот стадиум и негова трансформација во повеќе-димензионален космички ентитет со сопствена изворна енергија. Патот на човечкото суштество е само еден од тестовите кои свеста треба да ги положи за да го продолжи патот во еден од следните стадиуми. Доколку не успее да го положи човечкиот тест, или било кој друг, таа нема да помине во нареден стадиум и се враќа во бесконечноста на изворната енергија. Низ временската линија на физичката форма делови од програмот, во вид на кодирани информации, свесна меморија и енергија, се интегрираат во свеста на наредните поколенија и сродните битија надополнувајќи и надрградувајќи ја нивната индивидуална свест.

mg22329881.400-1_800

Овој процес е еден од механизмите за одбрана и еволутивен развој на ентитетот Земја и сите негови креации, а човечкиот вид е носител на клучот од овој механизам и негов чувар. Тој е единствениот кој ја поседува моќта на програмот свест и кој ја носи одговорноста за возвишување и нејзино водење во правилна насока. Единствено зацртаниот начин е единствениот кој може да спречи бришење на некоја димензија.

Ентитетот Земја, преку својата изворна енергија, управува со безброј димензии кои постојат во исто време и кои константно се менуваат. Секоја димензија креира свој сопствен пат кој завршува во моментот кога ентитетот не може повеќе да го издржи притисокот од своите патници и кога владее тотална деградација на целокупното планетарно егзистирање. Комбинациите се бришат една по една се додека не останат оние во кои сите нејзини жители го достигнале совршениот баланс и хармонија помеѓу себе и ги израмниле фреквенциите со изворната енергија.

cry_of_the_pocalypse_by_lucaszoltowski

Димензијата со којашто владее сегашната човечка генерација е на пат да биде целосно избришана и засекогаш заборавена како димензија на масовното уништување на целокупниот жив свет од страна на човечкото суштество. Врската со изворната енергија е скоро целосно поништена од негативната енергија на духовите на пропаста кои ја окупираат планетата Земја и навлегуваат во сите нејзини пори на постоење.

Третирајќи се самите себе и целиот жив свет како материјално средство за инфицирање на нашето изворно битие ги активираме одбрамбените механизми на планетата Земја и се повеќе и повеќе се соочуваме со масовни премини. Свесно го прифаќаме и примаме овој начин на трошење на нашиот рок на траење без да направиме обид да побараме друг или да ја побараме логиката и смислата на денешницата.

Зарем е толку тешко да го ставиме во функција под-програмот љубов и да го прифатиме како наш мост за премин кон хуманоста.

energy-shift-multiverse

Која е вистинската идеја за системот живот? Дали е тоа уште една материјална играчка која алчно и себично ќе ја чуваме и ќе ја носиме со нас низ преминот во наредносто постоење или есенцијата е програмот свест, негово развивање, конектирање, поврзување и сплетување на глобална функционална свесна мрежа без никакви ограничувања, спреги, илузии и зависности.

Одговорот е повеќе од очигледен, останува уште да го одбереме како наш личен систем на филтрација на сопствените мисли.

Живот

Само-одржувачки код на постоење, дизајниран и вграден од космичките креатори преку изворната енергија на планетата Земја во оперативниот систем на различните биолошки форми на организми кои поврзани едни со други ко-егзистираат во рамките на нејзиниот еко систем. Во кодот на постоењето се програмирани основните биолошки функции на еден организам, неговите физички карактеристики и неговите еволутивни капацитети. Како најбитна карактеристика е вградениот заштитен механизам на рок на траење на физичкото тело. Доколку овој механизам не е доволен за да се одржи природниот баланс, ентитетот Земја активира други природни механизми. Доколку и ова не е успешно тогаш се активира последната фаза на комплетно чистење и повторно создавање на нов живот со иста цел: егзистирање во хармонија, заштита на својот вид, негово проширување, просперитет и нареден еволутивен чекор.

slide-2Како единствен биолошки заштитник на ентитетот Земја, а со мисија да го продолжи и распространи кодот на постоење низ универзумот е создаден човечкиот организам. Овој организам бил создаден  како најмоќен на планетата Земја и како таков претставувал опасност кон останатите животни форми но и кон самиот себе доколку се остави да се води единствено од основните инстинкти. За нивно потиснување и контрола е креиран и му е вчитан програмот свест, овозможен му е линк до изворната енергија и енергиите на сите живи суштества и му е понуден изворниот код како водич до совршен заштитник на целиот жив свет на планетата, негово космичко распространување и прекинување на континуираниот круг на уништување и повторно раѓање. Одговорноста на човечкиот вид за зачувување и експанзија на животот е огромна.earth-infected-by-humans-riseearth Штета што оваа генерација на човештво воопшто не се ни обиде да одговори на овој предизвик залутувајќи во сосема погрешна насока.  Штета што најголемиот подарок и најголемата шанса кои му се поклонети на човечкиот вид се отидени во неповрат и во залудно трошење и губење на животот во создавање на  поделен свет каде што едни слепо грабаат и пустошат  се што им е пред нос и бараат повеќе од она што им е потребно и други кои едвај живеат на работ на егзистенцијата без основни услови за живот. Врската помеѓу овие два света е тотално изгубена а јазот е се поголем. Луѓето се целосно изгубени и оттуѓени еден од друг, близината со човечките материјални играчки е поголема и побитна од човечката близина и близината со живите суштества кои ги третираме како најдолно нешто. Дали сме се запрашале што ако се појави некој надмоќен и не третира нас како што ние третираме се што е живо на светот, па дури и самите себе. Како ќе се чувствуваме ако нас не одгледуваат на фарми и не касапат за храна. Дали сме се ставиле во кожата на планетата Земја и сме ја почувствувале нејзината болка. Преголемата заслепеност и занесеност ја спречувваат изворната енергија да допре до нас и барем малку позитивно да повлијае. Живееме гледајќи еден во друг непријател и ривал без да се запрашаме зошто го правиме тоа. Живееме поделени помеѓу себе по безброј основи без да се запрашаме која е логиката на тоа. Живееме поврзани за материјалните ствари без да се запрашаме дали тие ни се воопшто потребни. Живееме во парадокс каде некој живее во палати а некој под ведро небо, каде некој дневно фрла тони храна а некој умира од глад и жед без да се запрашаме зошто е тоа така и зошто сме го дозволиле тоа. Живееме за основна егзистенција, храна и репродукција без да се запрашаме дали има нешто повеќе од тоа што ние може да му понудиме на животот и тој на нас.4d51e27b68e51049785f9a5d1220f590 Живееме во наметнати  вредности, обичаи, религии, традиции, култури, начини на однесување без да ги доведеме во прашање и преиспитаме. Живееме без да се запрашаме дали сме живи или сме живи мртовци кои талкаат низ руиниран свет и бараат жртва да ја претворат во уште еден жив мртовец. Живееме без да се запрашаме-“дали е ова живот?”

Ставајќи се себеси на прво место и ставајќи се пред се што сметаме дека го доминираме свесно ја правиме и најголемата злоупотреба, а тоа е злоупотребата на животот. Задоволство гледаме во што поголема материјална придобивка стекната на лесен начин на нечиј туѓ грб а не во тоа колку сме помогнале на тие што најмногу им треба, колку сме покажале хуманост, воздржаност, смиреност и почит спрема се што е живо и што се обидува да живее. Туѓата несреќа и мешањето во туѓите животи ни прави поголемо задоволство отколку живеењето на сопствениот живот. Слепилото за суштината на животот е толку големо а нивото на свест е толку мало што не постои ни основна желба да се направи и најмал обид да се проба да се сфати и поприми есенцијата. Човечкото постоење е промашена и безвредна креатура и претставува најголема природна грешка и катастрофа која единствено што прави е сопствена деградација, безвредно и бесцелно лутање и уништување на се што е вредно и за што вреди да се живее. Ова однесување крајно ќе доведе до активирање на последната заштитна фаза на нашиот дом, планетата Земја, а тоа е  корекција на грешката човек со комплетно форматирање и започнување нов круг на живот од почеток.

5bece-spiritual2bawakening2band2bfeelingsИма ли оваа генерација на човечки вид воопшто некакви шанси за живот? Тоа е нешто што зависи од секој од нас и од тоа кој колку е спремен да промени се што до сега сметал дека е нормално, дека така треба или дека така некој кажал.

 

Изворен код

Прирачник, односно упатство за употреба на надградениот програм наречен свест, во кој што се содржани сите оперативни инструкции за правилен развој на човечкото суштество, активирање на полниот капацитет на човечкото тело и ум, негово воздигнување и експанзија низ универзумот и прекинување на вечниот круг на уништување и повторно создавање. По многуте неуспешни и помалку успешни генерации на интелигентни суштества на планетата Земја, креирана е и сегашната генерација на човечки вид, уште еден модел на супериорно суштество со голема моќ за создавање но и за уништување. Претходните верзии, секоја различна една од друга, поседувале и различни карактеристики и способности, како на пример: подолг рок на траење, поголема физичка отпорност, поголем раст, зголемени физички и ментални способности, моќ за контролирање и користење на изворната енергија, итн. Една способност била заедничка за сите, а тоа е можноста за воспоставување на врска со изворната енергија и способноста човечкото тело и мозок да испраќаат и да примаат енергетски информации и сигнали. За да не дојде до корупција и заразување на човечкиот оперативен систем сите модели поседувале и одредени сигурносни протоколи и верзии на програмот свест. Кај повеќето генерации, сепак, тие не биле доволни за да ја задржат деструктивната и негативна страна на овие креации или пак не биле доволни за да постигнат совршениот баланс и нивно еволутивно возвишување во битија од повисок еволутивен развој.

eds-exciting-information

Моделите кои поседувале поголеми способностите имале побрз но и нерамномерен развој, односно, технологијата и моќта се развивале побрзо од свеста, што пак довело и до забрзано самоуништување, неспремност за одбрана од уништување или неможност за достигнување на космички далечини. На други модели пак им бил оневозможен пристапот до одредени способности што пак повторно довело до дисбаланс, односно иако биле со високо ниво на свест  сепак тие не постигнувале доволен развиток за да опстанат и да го преживеат контиунираниот бран на уништување и повторно создавање. Секоја генерација ја добивала својата шанса но најчесто таа не била искористена на вистинскиот начин. Одредени генерации сепак, благодарение на изворниот код, успеале да постигнат доволен баланс и навремено својата иднина или минато да ги побараат во длабочините на универзумот, но не и да го прекинат циклусот на уништување. Скротувањето и контролирањето на човечката деструктивна моќ и постигнувањето на перфектен баланс и синхронизација со фреквенциите на изворната енергија биле клучни кај делумно успешните генерации.

meteor_crash_by_mightygodofthunder-d5fvmpp

Сегашната генерација, повторно посеана преку изворната енергија на ентитетот кој го нарекуваме Земја, е дизајнирана со двоен механизам за отклучување на способностите скриени длабоко во човечкиот оперативен систем, каде едниот клуч е свеста а другиот клуч е изворниот код. Со вчитување на поновата верзија на програмот свест тајните и моќите на овие способности можат да бидат отклучени единствено со двата клуча истовремено и тоа единствено преку следење на изворниот код и негова еволутивна примена за комплетна и интегрирана само-надградба.  Испратен преку земјините енергетските точки, распоредени на сите страни од светот, сигналот со кодот и инструкциите е трансфериран во одбрани човечки битија со компатибилен рецепторски и доволно развиен ментален склоп. Преносот, од страна на реципиентите, бил искусен како незамисливо доживување на визии, емоции и податоци. Одбраните, водени од овие импресии и од тоа кој како ги процесирал информациите, ги учеле и го пренесувале кодот и искуството на нивните ученици, кои пак имале задача понатаму да го продолжат ширењето на кодот. Одбраните, меѓу другото, ја опишале и врската со изворната енергија и визиите за повисоки битија кои ги имале за време на префрлањето на податоците. 9ae0e9a6351811dbc54f3463a1ee9a9c_thumb-451x600Осознавајќи го ова и чувствувајќи ја моќта на изворниот код, дел од учениците и наследниците на одбраните започнале со негова корупција и негово искористување во своја лична статусна и материјална полза. Со тоа започнува и злоупотребата на изворниот код која прераснува во најголемата манипулација во историјата на ова човештво.

Проектирајќи слики на вонземски божества и владетели на човечкото тело и дух, а претставувајќи се како нивни гласници, овие пророци владееле насекаде низ светот сеејќи го стравот од духовниот суд и прогон и поставувајќи им лажни вредности и барања на нивните следбеници. Градејќи ги темелите на првите религии, владеењето се претворило во робовладетелско а луѓето во робови на овие илузионисти. Изворниот код бил комплетно потопен во реките крв пролеани во негово име и засекогаш загубен во човечката омраза. Линкот со изворната енергија слабеел а свеста се намалувала како што раснеле омразата, алчноста, злобата, љубомората, желбата за моќ и контрола над планетата Земја, нејзината енергија и сите нејзини жители. Опсесијата со само-деструктивни страсти, претераното изразување на влијание на подсвеста и безцелноста во животот се само дел од последиците со кои се соочиле следбениците на оваа темна река на пропаста и заборавот на уште една неуспешна генерација на човечки вид.

cry_of_the_pocalypse_by_lucaszoltowski

Зарем ова е повредно од сето она спротивното, зарем ова е просперитетна иднина?

Како со текот на времето раснела свеста на луѓето така се менувала и формата на владеење на потомците на овие пророци, лажни спасители и гласници на апокалипсата. Нивните методи еволуирале и прераснале во сето она што денес го живееме и на што сме сведоци. Животот е сведен на извршување само на основните функции и потреби и комплетно е посветен на робовладетелите кои пак безмилосно ги користат сите можни инструменти на владеење, замајување, застрашување, затапување на умот и потиснување на свеста.

Обновувањето на меѓучовечкиот линк и линкот со природата и нашиот дизајнер, ентитетот Земја, се првите чекори од долгиот пат за поврат на изгубеното. Емитувањето на позитивна енергија ќе и го отвори патот на изворната енергија па можеби второто вчитување на изворниот код ќе биде поуспешно и можеби тогаш човечкиот вид ќе успее да ги тргне оковите на денешницата и слободно без никакви притисоци, зависности и илузии ќе зачекори во освојување на сопственото постоење.

Свест

Автоматизиран паралелен програм на човечкиот оперативен систем, вчитан од неговите програмери во носечкиот столб на човековиот вид од самото негово креирање, а наменет да ги контролира основните инстинкти и да ги заштити умот и телото од корумпираните суб-програми и нивните штетни дејствија. Пренесувајќи се заедно со останатите програми, мемориски записи и еволутивни надградби тој е програмиран да се активира и развива паралелно со останатите физички процеси на мултиплицирање на човековите клетки. Во комплетната изградба на единствениот организам на планетата Земја кој го поседува овој програм тој ја претставува нематеријалната компонента, балансот и противтежата на човековото материјално битие. Свесноста и емоциите, како нејзини суб-програми, се механизмите преку кои свеста директно ја контролира и влијае на материјалната димензија и се единствениот линк преку кој може да се пренесе повратна информација од материјалниот свет до неа. Сите овие повратни информаци кои свеста ги прима и филтрира таа ги користи за создавање на сопствено искуство и сопствени надградби за постигнување на повисоки нивоа на сопствен развој.

maxresdefault12 Со правилно користење, насочување и балансирање на енергијата од овие две димензии на човековото битие, користејќи ги времето и просторот како основни космички алатки на ширењето, еволуцијата и развитокот, а изворниот код како водич, човечкиот вид треба да биде заштитникот на планетата Земја и на сите нејзини жители и носител на сопствениот род во нареден стадиум на повеќе димензионално постоење во сите делови од универзумот. Откривањето на целосниот потенцијал на човечкиот ум и тело се дел од овој еволуциски пат во кој програмот свест ќе ја достигне својата кулминација и експанзија. Интегрираната свест ќе ги постави темелите на вистинските човечки вредности и цели а нејзината контролна моќ ќе биде доволна за да се воспостави правилен систем на ко-егзистирање ослободен од нереалните и наметнати разлики, предрасуди и стравови, со што пречките за преминување преку еволутивниот праг ќе бидат надминати и човечкиот вид ќе го заземе заслуженото место во универзумот.

1335793457-create-light-of-your-life

Сепак, вековното владеење на робовладетелско материјалистичкиот систем на стравови, илузии, перцепции и зависности го има инфицирано и комплетно корумпирано човечкиот оперативен систем што секоја борба против него резултира со неуспех или пак привиден успех исцениран само заради вртење на уште еден круг на негово владеење само во друга форма. Овој систем, роден од злоупотребата на изворниот код, е темнината од којашто секој со сопствената светлина треба да си го пронајде патот до излезот. Светлината постои во секого, меѓутоа доколку воопшто не ја бараме значи свесно остануваме да живееме во слепило и со продадена свест.

Зависност

Умствено нарушување со кое се соочува целиот човечки вид а кое се манифестира преку недостаток на само-контрола и способност да се влијае на потребата од задоволување на одредена навика. Како креација на илузионистички свет на лажни перцепции, зависноста е  последница на цела серија од разни стимулирачки методи врз основните човекови сетила и е последна од фазите на процесот за уништување на човековата свест и свесност. Таргетирајќи ги сетилата за вид и слух најголемото оружје со убедливо најразорна моќ врз свеста е едно од најголемите технолошки откритија во човековата историја, а кое доаѓа од потребата за поголема комуникациска поврзаност, достапност на информации и средства за истражување и учење. Како резултат на масовната злоупотреба на оваа технологија, можеби првично наменета за позитивни цели и позитивно влијание на човечкиот развој, се раѓа една пеколна машинерија со огромна негативна улога и влијание врз перцепцијата и животот на човечкиот род.

Примајќи и прифаќајки објективно нефилтрирани и непроверени информации преку екранот  како вистинити и стварни, посматрајќи ги животите на фиктивните карактери во измислените стории и поистоветувајќи се со нив, копнеејќи и тежнеејќи по нешто што ни се сервира како убавина, задоволувајќи се преку лажни прикази на емотивни, забавни и телесни доживувања залудно си ја трошиме животната линија за потребите на мултимедијално-технолошката индустрија и пополека, претворајќи се во зависни билки, ја губиме способноста самостојно да расудуваме и да имаме сопствена перцепција за реалноста која не опкружува. Константно аудио и визуелно стимулирани, несвесно стануваме зависни од сето тоа што ни се сервира преку овие злоупотребени уреди.

Зависноста станува уште поголема кога тоа однесување навлезе и се рашири во едно општество со релативно ниска свест и заедно со претходно наследените вредности и традиции прерасне во култура и начин на живеење кој се пренесува и мултиплицира од генерација на генерација без можност тој процес да се стопира. Најкарактеристичните креатури и наметнати зависности како: работа и пари, религија, храна, секс, телевизија, интернет и игри, алкохол, тутун, кафе, дрога и лекови, се лажни вредности, стекнати и научени навики и страсти за чувство на задоволство, свесно сервирани како решенија на човечките проблеми и начини на исполнување на празнината во човечкиот живот. Комплетната слика е тотално бегство од реалноста и посветување на животната линија на бесцелни работи кои сами по себе немаат ниту логика ниту смисла и се израз единствено на материјалната компонента како единствената животна цел и смисол на постоење. the-most-common-cross-addictionsДодека размислуваме со стомакот и гениталиите а не со мозокот, додека не исполнуваат измислени задоволства, додека се препуштаме на средства измислени за создавање на задоволства преку хемиски реакции, додека алчноста владее со нашите животи и додека зависноста од традицијата и материјалното не води низ животот представуваме опасност не само по самите себеси туку и по идните генерации. Учејќи ги и нив на истиот начин на живот и на истите навики и зависности создаваме свет кој нема иднина и напредок. Наместо да се посветиме на создавање на позитивна енергија и нејзино правилно насочување и канализирање, ние свесно го подржуваме системот на негативна енергија и негативни вредности практикувајќи го и применувајќи го како уште една наша зависност – “ЗАВИСНОСТ ОД БЕСЦЕЛЕНОСТ И БЕЗВРЕДНОСТ”.

Без да се потрудиме и без да имаме желба да ја запалиме сијалицата, навикнувајќи се се повеќе и повеќе на темнината, мракот ќе ни стане реалност и начин на живот се до моментот на конечно слепило и исчезнување во него.

Перцепција

Примање на реалноста со процесирање на просторот, непосредното опкружување и светот во којшто живееме преку сите сетила кои ни стојат на располагање. Под влијание на менталниот склоп, непосредното опкружување и на сите илузии и зависности на денешницата конечниот исход е дисторзирана субјективна слика на искроен свет на постоење во кој се губи реалноста и борбата против нејзините креатори и најголемите непријатели на човечката еволуцијаperception. Во  свет којшто е дизајниран како еден огромен театар и во којшто сите ние сме глумци во една претстава и игра за моќ, нападите на перцепцијата се константни и се одвиваат од сите можни правци, систематски и преку сите сетила. Една иста реалност и вистина наместо за сите да е иста таа е индивидуално различна и зависи пред се од нивото на свесност, моменталната состојба на умот и подложноста на влијанието на средината и мултимедијалните информации. Вклучувајќи ги сите овие фактори во едно општество најпрво се создава едно ниво на основна општествена перцепција која понатаму се разгранува на  поголеми интересно поврзани заедници кои се и носители и креатори на основните вредности во општеството и кои го диктираат начинот на живеење и однесување на нивната заедница. Судирот помеѓу различните заедници или поединки припрадници на различни заедници е и судир на две или повеќе различни перцепции за една иста реалност. Овој ефект на колективна хипноза се зајакнува и мултиплицира секојдневно преку меѓу-човечката интеракција и менталното влијание еден на друг во непосредната средина со наметната култура, вредности, начин на живеење и традиција, во која пак доколку некој отскокнува во однесувањето и практикувањето на сопствениот живот станува осуден, маргинализиран и исмеван. Поголемите заедници понатаму се разгрануваат на помали групи најчесто поврзани лично, фамилијарно и професионално. Освен во исклучителни случаеви и во овие групи важат правилата на носечката заедница со што фрустрацијата и стегите на единката се зголемуваат поради неможноста тие самите да се изразат и да ги покажат свои квалитети, идеи и мислења без притоа да трпат нереални предрасуди. Ова предизвикува понатамошен внатрешен конфликт кој кај секого се манифестира различно а најчесто преку чувство на изгубеност, чести промени на менталната состојба, губење на позитивната и појава на негативна енергија. Еден ден ликот во огледалото е совршен, полн со самодоверба и елан а друг ден истиот лик е западнат, безличен, грозен и непрепознатлив за самиот себе. Перцепцијата за другите и за околината се менува како се менува и ликот во огледалото, па така во иста минута од две различни поединки може да се соочиме со коментар дека не изгледаме добро и дека сме се здебелиле и со коментар дека изгледаме супер и дека сме ослабеле.

positive-affirmations-to-change-your-perception

Ширејќи го слепилото еден на друг, како заразна болест, човечкиот вид живее заробен во свет на туѓи мисли, идеи и фантазии без способност да ја развива сопствената креативност, во точно насочена и програмирана улога на безумен и исплашен роб на лажните цели и страсти. Постојаното медиумско и меѓусебно  бомбардирање со страв, насилство, сексуалност, култура на исхрана и лажни вредности, доведува до пренагласен израз на основните животински инстинкти и потреби единствено поврзани со материјалното постоење на човекот и до се потешко нивно контролирање од страна на свеста. Запоставувањето и заборавањето на нематеријалните вредности и на сопствената посебност и генијалност пак од друга страна создава празни множества зависни од туѓата перцепција. Системот преку илузии да се креира перцепција преку која пак се создаваат сите денешни зависности од лажни страсти е повеќе од јасен, но се додека се дозволува и индивидуално не се работи на негово разобличување и прекинување и исходот е повеќе од јасен.

Будење

Момент кога стануваме свесни за некое постоење за кое што до тогаш не сме биле свесни, а кое постоело меѓутоа свесно или несвесно сме го игнорирале или не сме го гледале дека постои се до чинот на негово осознавање, односно Будењето. Човечкото битие наместо да се стреми кон овој чин, заспано егзистира единствено за задоволување на основните материјални потреби несвесно за креациите создадени единствено за негова контрола, замајување, затупавување и перење на ум. Материјалното се контролира преку наметнатиот систем на вредности и материјална валоризација на трудот, а нематеријалното преку корумпираниот изворен код преточен во системот на религии за да заедно вршејќи пресија и вградувајќи стравови владеат и го злоупотребуваат еволутивниот пат на човечкото битие претворајќи го во роб. Прифаќајки ги овие системи како единствена опција за егзистенција и предавајќи се под нивна свест и владеење, вината за ова робовладетелство и затвор во кој живееме, трошејќи си ја залудно животната линија, е единствено во нас самите. Одбирајќи го слепилото, односно патот кој други ни го трасираат и по кој други размислуваат наместо нас по строго хиерархиски принципи свесно бегаме од патот на будењето.

a0fec28a90c38ca87fd6816c17698ce6

Дали патот на будењето свесно го избегнуваме заради неговата тежина поради тоа што тоа е пат на воздржаност, самоконтрола, самодисциплина и истрајност, за како негова замена да го користиме полесниот пат на креираните илузии за привидно напредна цивилизација и повисока свест ?

Пред воопшто да го започнеме патот на будењето потребно е да бидеме спремни на предизвиците, тешкотиите и разочарувањата кои тој ги носи никогаш не губејќи надеж и верба во позитивниот исход и целта. Но за воопшто да дојдеме до чинот на будење најпрво е потребно да поминеме некои животни фази и да создадеме услови кои ќе не донесат до него: прочистување на телото и умот од сите загадувања со кои сме опкружени и на кои сме подложени, ослободување од стравовите со кои секојдневно не трујат, развивање и тренирање на умствените и физички капацитети, намалување на улогата на материјалната компонента во постоењето, пронаоѓање на креативната мисла, посветување поголемо внимание и време на блиските, практикување на хуманост, емпатичност, воздржаност, ширење на позитивна енергија и култура на однесување. Работејќи, развивајќи се, надминувајќи ја умствената попреченост и бариера и зголемувајќи го капацитетот на свеста се зголемува и тежината на патот бидејќи тоа е пат на тотална контрола на умот над телото, на нематеријалното над материјалното. Ова е фаза кога страстите и инстинктите се под целосна контрола, а илузиите се исчезнати и веќе не претставуваат пречка за поминување во повисок степен на развој. Целосното ослободување на човекот од материјалното и стремежот кон повисоки нематеријални цели го означува и моментот на будење.

cropped-cropped-20121121-220053

Човечкиот род, како единствен привилигиран рецептор на свеста, занемарувајќи ја оваа способност која може да му донесе неограничени можности, месечари по полесниот пат свесно запоставувајќи си го сопствениот еволутивен процес дозволувајќи некој друг да стопанисува со него и во исто време да биде роб на материјалните побуди и страсти. Долгото месечарење по работ на бездната и деструктивното однесување на оваа генерација на жители на планетата Земја со способност за прием на свеста може единствено да им донесе крај и потреба од уште една интервенција на креаторите на нашето свесно постоење со, по кој знае кој пат, уште една замена на една со друга понапредна генерација на нови жители.